فارقتني قبل تعطيني عن الفرقى خبر=وانتظرت وطولت عني وحيرني أمرها
وبعد كم من يوم جتني تلتمس مني عذر=بانها ما كانت توقع تطول في سفرها
قلت عذرك أقبح من الذنب لا وأدهى وأمر=قالت الزلة تعدت بس أبي منك تغفرها
قلت وش قصدك من غيابك جفا ولا هجر=طالعت فيني كذا وتبسمة وأرخت نظرها
ثم ردت طالعت فيني وأطالت في النظر=والهواء زاد القهر فيني بلعبه في شعرها
وهمسة في أذني ودمع عيونها مثل المطر=قالت اقسم لك برب الكون شوفتك انتظرها
لأكن ظروفي هي اللي أجبرتني بالسفر=أمي أغلى شي في ها الكون أعطتني عمرها
قلت انأ كلنا لله في يوم المقر=البقية في حياتك والله ينور قبرها
و استمر ينا نسولف لين مازال الكدر"="وكل من يخطر على باله قصيده ما ذخرها
قالت أشفيك أنت قلي ليه بطلت الشعر"="قلت كلمه بعدها حسيتها شالت كدرها
التيمم غير جائز ما دام أن الما حظر"="ضحكت بذيك الشفاه اللي كوتني من جمرها
بنت عز ولا لها أشباه في هذا العصر=والله أن أجمل عذارى الكون ما تسوى ظفرها
أن لفت بالليل غطى نورها نور القمر=وان لفت قبل الصباح الفجر بين من سفرها
وان مشت جاك الظلام ومن بغى يمشي عثر=لان ما في نور أصلاً راح كله في أثرها
ما يشابها شبيه ألا العز يزه في مصر=لو رآها من معه سكين في يده بترها
ثم ودعنا بعض من بعد ما الدمع انتثر=وكل واحد يمسح بيديه دمعاتٍ نثرها
قالت أبغى منك تنسى كل ما مني بدر=وان تسامحني على ها لزلة اللي يا كبرها
قلت لا والله مسامح دام موت أمك عذر=وعاهدتني ما تسافر قبل ما تعلن سفرها