عبدالواحد=
والله ماخذ غير سمحان لو اشري جمل=
ماعجبني غير سمحان ميّال السنام=
وجمال السمسم اللي بقيّت في المعاصر=
ماتروح بعيد لكن تدور محلها=
الرد اللخمي=
يجمل الغندور واللي يقصر ماجمل=
وانت لا تغتر والوقت ميال السنام=
الزمان اللي مضى بعده الوقت المعاصر=
والمسايل عندنا ما تدورم حلها=
البدع البيضاني:=
الظنون تصيب وتخيب والدنيا دول=
والشموس الشارقة ما يغيبها الظلام=
من تجشّم ظلمة الليل خذ ولاع شاير=
واللي كبّر لقمته ما قدر يبتلها=
الرد بن مصلح:=
يالله احفظ شعبنا سار مابين الدول=
والحكومة جيده ما تنشوا في ظلام=
ماحسبنا ضدة(ن) من خصيم ومن عشاير=
وانت لاريت القرانات سر وابتل لها=
البدع عبدالواحد=
اعرف الصاورخ ومتى صعد ومتى نزل=
خطف الابصار واعمى عيوني وقت حام=
راعي الصاروخ قدامه اهداف مناير=
ان بغى يصعد لها وان بغى ينزل لها=
الرد اللخمي:=
في بيوت الجود شفت الكرم ومتان زل=
والبخل ماعند بيته وفود ولا اقتحام=
الله ياطيب المجالس وياطيب المناير=
في بيوت(ن) شوقتني بغاين زلها=
البدع البيضاني:=
آنا يالاخوان مليت من ضرب المثل=
ربما كسر(ن) يجبر وكسر(ن) مايلام=
غير بهديها نصيحة على البث المباشر=
اما خذها يابن الاجواد ولا خلها=
الرد بن مصلح:=
ابن مصلح برمي الاشارة والمثل=
والذي مثل ابن مصلح ترونه مايلام=
ياهريري كم هروج(ن) تجينا ع المباشر=
قلتنا يا يهلك الروح ولا خلّها=
البدع عبدالواحد:=
ليتني يوم قيل شاعر مشيت على مهل=
مادريت ان القصائد كلام في كلام=
آنا وش دوري في المجتمع ماغير شاعر=
كلما سويت بيتين قالوا علها=
الرد اللخمي:=
علم يتوقف على خاطري واعلام هل=
غير لو صديت واقفيت جاني منك لام=
والطبيب اللي حضر بالدواء ماهو بشاعر=
قلت عالج علة الصدر قالوا علها=
البدع البيضاني=
لاتشب النار وتقول مدري وش حصل=
آنا مادوي اشهر السيف وآقص العظام=
عن سباق الخيل جاني نتائج في دفاتر=
والفرس ذيكايه متقدمه وش تلها=
الرد بن مصلح:=
مرسيدس ياجي من البر ماجاء وشح صل=
ماورد به عندنا الا الرجاجيل العظام=
انتشد زيني وجته الوكاله في ايد فاتر=
ياعراوي حملة المور ما تشتلها=
البدع عبدالواحد:=
الكواكب كلها ما تحبك يازحل=
يوم انك من بدّها تمسح آثار الظلام=
ما معا ذيك النجوم الضحاضيح الظماير=
الا تغرب يمكن ان الغروب افضل لها=
الرد اللخمي:=
المسايل لو تعقّد لنا معناز حل=
غير ماودي نجيب المشاكل والظلام=
لو جحدنا ربنا اعلم بما تخفي الظماير=
والحكومة كل ابونا نعيش افظلها=
البدع البيضاني:=
النجوم الزاهية ما معك عنها بدل=
الله انشاها وسوى لها منبع دعام=
وافترض لو يغرب النجم من جبر الخواطر=
من يقوم بدورها من يحل محلها=
الرد بن مصلح:=
ياعبدالواحد خذ لك في يوم المحرم بدل=
حجوا الحجاج قبلك وعام(ن) بعد عام=
اسمع الهرجه اذا جت على جبر الخواطر=
بالله انك تأخذ الهرجه ولا حلها=
البدع عبدالواحد:=
يابن مصلح اذن المذن ادع الله وصل=
احنا صلينا التهجد وصلينا القيام=
اصح من نومك وكب المفارش والسراير=
والفروض اللي تخلفت عنها صلها=
الرد اللخمي:=
جاتنا الاخبار واللي نقل علمك وصل=
بعدما جهزت للرحله فضلت القيام=
كلما حاولت كشف الخوافي والسراير=
يابن مصلح غايتك ماقدرت اوصل لها=