سلام عليكم ورحمة الله وبركاته
الثورة
بسم الله ابدا قصيدي بالغدو والرواح = ياجامع الناس يامن يحصي أفعالها
أنت الصمد كل حيٍ يطلبك بارتياح = خزاينك من بحور الجود همالها
إذا دعوناك والله كل همٍ يزاح = وإذا ذكرناك نفسي تشرق آمالها
حيوا معي الثورة الكبرى نهار الكفاح = والعالم اهتز منها وأبصر أهوالها
والكون كبر وهلل بعد ما الشرك ناح = وديرتي زلزلت بالحق زلزالها
والثورة الي ورثناها بضرب الرماح = حنا مقابيسها بالحرب ورجالها
وحنا كتايب رسول الله رمز الصلاح = في وقعةٍ من دم الأبطال سربالها
في ليلة الغار جت بأطلاع علومٍ صحاح = من مشرق النور مهبطها ومنزالها
وفي وطنا غدا سيد البرية وراح = حيته بيمينها الدنيا وبشمالها
ومنا أبو بكر والفاروق عدل ونصاح = وخالد ابن الوليد الحرب خيالها
ومنا غسيل الملائك والفدائي صلاح = في يوم حطين صار النصر من جالها
وفي وطنا نزل جبريل والفجر لاح = نحطم أصنامها ونكسر أغلالها
والفيل يومٍ قصد أرض الرسالات طاح = طيرٍ أبابيل ترميهم بسجالها
وحنا القنابيل إذا نادى السلاح السلاح = على الجماجم بنينا المجد لأجيالها
وحنا هدمنا الضلاله واستلمنا الوشاح = والجاهليات فال الله ولا فالها
وحنا حماة العقيدة يوم يحمى النطاح = نعيش بأنوارها ونموت كرمالها
وحنا العرب والعروبة والظفر والفلاح = وحنا التواريخ نكتبها مع أجيالها
وحنا هل الهيل وأهل البن صدق وصراح = الجمر والتمر زين العين بدلالها
أهل القلوب النقية والوجية الصباح = لسيف والضيف يطرب شوفة أزوالها
رجالنا عن مية رجال ماهي مزاح = كذب الخواجات والرومان وأشكالها
من غيرنا هد كسرى يوم غزوة(نساح) = ومن غيرنا غير البلدان وأحوالها
مالك مع الشافعي وأهل السنن والصحاح = منا وحنا شموس العلم وهلالها
حجازنا قبلة العالم وفيها السماح = الكعبة تتعلق الأرواح بأذيالها
ونجدنا الحكم والدولة وبسط الجناح = وجنوبنا رجالها تشمخ على جبالها
وشرقنا للصناعة والعمل والنجاح = وشمالنا الجود من حاتم وحيالها
يعيش عبد العزيز بسيرته والكفاح = في دولة مدفع التوحيد دوى لها
والكون حيا السعودية بكل إنشراح = العالم اختار قبلتها وصلى لها
يالله في حظٍ أكبر من مزونٍ رداح = حظٍ يفض الصخور وينسف رمالها
وإن قالها الله تشرق شمسنا في وضاح = ماجابها غيرنا شعبٍ ولا طالها
شعبٍ تزاح الجبال الراسية مايزاح = أحفاد من ميلوا في بدر معدالها
والبريق أخضر وفوقه جملةٍ في وضاح = نحميها بالدم الأحمر ونتعزوى لها
والأرض قبر العدو والجو رعد ونواح = خل البراكين والزلزال لأبطالها
أحفاد مصعب ومن ساروا بذيك البطاح = ماقلتها لكن التاريخ قد قالها
حنا صفوف العدو برماحنا تستباح = ندوس قوادها وننزل أحمالها
نموت تحت العلم موتة أليف الجراح = والجن من خوافها تفر بعيالها
إما ننال المعالي والظفر باجتياح = ولا ننال الشهادة عاش من نالها
رجالنا ينطح الطابور عزم وطماح = وأطفالنا تنشق البارود عقبالها
وبإذن الله إن الجنان العاليات الفساح = نصيبنا وأحمد المختار دلالها
غنى بها عايض القرني وكبر وصاح = خل أمرئ القيس يتباكى على أطلالها
وصلوا على المصطفى ما ذاع مسك وفاح = الله يشفعه في الأمة وطوبى لها
للتحميل صوتية ارعص هنيه
عفوا ,,, لايمكنك مشاهده الروابط لانك غير مسجل لدينا
[ للتسجيل اضغط هنا ]
|=* قصيدة الثورة لعائض القرني واداء سعود الدلبحي ’صوت‘ روووووووعه *=| 
العرض العادي
