 ((أهداء الي رجال الحجر كافه)) | |
بسم الذي لا قال ل الشي كن كان
والكون كله في يدينه زمامه
عبدالله الشهري لفاكم على شان
يهديكم اغلى ما كتب من كلامه
لا بارك الله في قصايد وقيفان
شاعر نسى في شعره ابني عمامه
حنا رجال الحجر قاده وشيخان
حنا هل الرايه وبشت الزعامه
حنا اربعه مجموعنا يطلع انسان
مليان بالنخوه وجود وكرامه
شهري وعمري كلنا ربع واخوان
والاسمري معروف طيب وشهامه
والاحمري تبشر به ان قلت يا فلان
يفز لو هو غارق في منامه
يعني جسد واحد عل مر لزمان
اذا اشتكى له عضو تمرض عضامه
سلام يا حمايت ديار واوطان
يافخر يبقى لين يوم القيامه
يا جند ابو متعب مع اخوه سلطان
يا واصلين المجد لعلا سنامه
يا فزعة الدين ان نوى فيه عدوان
يا هامة(ن) ترظخ لها كل هامه
يا قدوت الاجيال في كل ميدان
يا بايعين الروح لجل الكرامه
انا كان ثرتم مثل ما ثار بركان
ياويل من يلقاه واقف امامه
يا للي تحدى في ميادين فرسان
خل الفروسية لراع العمامه
وان كان ما صدقت حكيي و زعلان
كل(ن) يبين في المبارز حسامه
جرب مدام التجربة خير برهان
وتشوف من منا يمشي كلامه
أما تكون الصح وأكون غلطان
أو تفرك الكفين قهر وندامه
خذ لوله واسمع كلامي إذا كان
شخصك من أهل الاوله والكرامه
رح لمك وكمل رضاعه على شان
تقدر تطالع في بشوت الزعامه
عبدالله آل جميل الشهري
التعديل الأخير تم بواسطة عبدالله آل جميل ; 03-06-2009 الساعة 10:34 PM.
| 
العرض العادي
