 (( قولوا لها كل عام وهي من العايدين )) | |
( كل عام وانتم جميعاً بخير وصحه وسلامه)
أهلاً وسهلاً بكم يا صحابي الطيبين
تنشد عن الحال قبل انشد عن احوالها
العلم يابو محمد يرضي الشامتين
بسباب من روحت والحال يرثالها
ياليتني عندها واحد من الاقربين
والا ولد عمها والا ولد خالها
ويا ويل حالي على اللي يستر المنكبين
لا لفت الراس تتلاعب بشلالها
قولوا لها كل عام وهي من العايدين
وياجعلني مانحرم مقعادي اقبالها
سطرت فيها قصيده تنطبخ من سنين
وابياتها ماسهرت البارح الا لها
لاكنها اقفت وخلتني مع الانسولين
اصارع السكر من اسباب ترحالها
والحين مدري هل اسمحها على كل دين
والا انتقم ثم اجازيها على اعمالها
قولوا لها تجبر الخاطر لو بكلمتين
وتبطل البعد فال الله ولا فالها
قولوا لها بس ترجع تستمع جملتين
تختصها ثم تردع منهم امثالها
اني لو اموت بوصي ربعي القابرين
ايكتبوا مات لازال يترجالها
من شان لاجات قبري سيلت دمعتين
على الذي قبل يتشهد تحرالها
لعلها تظل مقهوره طوال السنين
ويظل عبدالله الشهري على بالها
عبدالله آل جميل
التعديل الأخير تم بواسطة عبدالله آل جميل ; 09-10-2010 الساعة 04:48 AM.
| 
العرض العادي
