عذرك أدهى من ذنوبك ما أبي منك عذر"="اخدعي نفسك بعذرك بس أنا لا تخدعيني
لا تقولين العذر دام العذر أدهى وأمر"="شايفتني طفل ولا أهبل تبي تستهبليني
ظنك انه منخلق قبلك ولا بعدك بشر"="لا حبيبي فيه أحلى منك تتمنى تجيني
ظنك انك لو تغليتي بموت من القهر"="ما عد الا انتي على غفله تجين تقهريني
الكرامه كسرها مثل الزجاج اذا انكسر"="ما حسبتي لي حساب وكان قصدك تكسريني
تعرفين ان الرجل ما تلدغه حية جحر"="مرتيين وجيتي انتي كان قصدك تلدغيني
لعنبوا ابليسك علامك كلها اجروحك غدر"="تتبعين جنازتي من بعد قمتي تقتليني
جبت من ضلعي قلم واخذة من دمعي حبر"="وجبت من جلدي دفاتر قلت يمكن تفهميني
قلت ابكتب من قصيدي للحبيب اللي هجر"="يمكن يبطل عناده يمكن يفكر يجيني
كم نصحتك لا تخوني في بدايات الا مر"="ثم كررت النصيحه ما رضيتي تسمعيني
لين رحتي في خبر(كان)و(كان) لك خبر"="ويوم طاح الفاس فوق الراس جيتي تطلبيني
ليه اخذ منك الحنان وبدل بقلبك حجر"="ليه طاوعتي كلا مه يوم قال للك اتركيني
كانه اعطاك الكلام اعطيتك ادموعي مطر"="ايتكلم لك لسانه واتكلم لك بعيني
وكانه اهدى لك هديه قبله اهديتك عمر"="ما عطاكي غير ليله يوم انا اعطيتك سنيني
اشتريت رضاك بدموعي واخذتيها مهر"="ويوم جففتي دموعي ابتديتي تحرميني
ما التفت لنفسي الا يوم جت ساعة صفر"="قلت ليه اذل نفسي عند واحد مايبيني
مادم انه خان وعده وبمحبتنا كفر"="والله لا خليه يتمنى يطالع في جبيني
اوعدك برحل بعيد ولاني بتارك اثر"="وان سألتيني علامك قلت لك لا تسأليني
اوعدك حتى الرسايل كل ابوها والصور"="اني احرق نار فيها مثل منتي تحرقيني
اوعدك برحل بعيد ولا برد من السفر"="هذا شي يخص نفسي وانت مالك دخل فيني
وكل غلطه منك ببلعها ولو كانت جمر"="بلعب العبه معاكي واتحدى تهزميني
حتى لو كانت تكلف دم ودموع وسهر"="المهم اني اذلك قد منتي تجحديني
لا وازيدك من قصيدي بيت واعطيك الخبر"="لو تبي حتى عذابي ماتشوفه من يديني