الا يامن هوى قدره وفي نفسه يشوف الزود
تعال اقرا كتابن وضّح المضمون طبّاعه




تشبّح في الكلام اللي يخصك وافهم المقصود
اذان العاقل ان جتها نصيحة حق سماعه




ترى ماهو بـ انا وحدي كثير اللي عليك شهود
بعد ما بان وجهك وانكشف للناظراقناعه




درَينا بك مريض وفي الجمايل لك وجيهن سود
ونفسك في بحور الوهم والخسران شراعه




على شـا نـك تكـبّر والتكــبّـر للــه المـعــبــــود
كرهك الناس لو سن المنافق تضحك ارباعه




تغطرس وانت عظمك يا قليل المعرفه مقصود
تسلّح يالضعيف بقوة ابن سعود وذراعه




ترى لولا المعيشه كل ظهر بحملها مشدود
صغير القوم ما يعطيك وجه ولا ثنى اصباعه




تخون العهد لا ذمه ولاشرهه ولا منقود
طمت نفسك على ما تشتهي والنفس طماعه




نهبت اموال وحقوق وامانه بندها مجرود
بها فضّلت نفسك والحصيني نعرف اطباعه




حُرْمّنا من عطايا الدوله اللي كفها ممدود
وعض الكف كلبن خلته يوقف على اكراعه




يحطونه امين وياكل اليابس مع المخضود
حسيبه واحدن ماغمضة عينيه في ساعه




يشوف افعالنا حتى النوايا سرّها مشهود
وكلن في النهايه ل الله المعبود مرجاعه







.