يا محمد فضها سيره ولا تهدم كياني=ودي أنساها دخيلك اقترب فك الجبيره
لاكن اسمع يامحمد حط نفسك في مكاني=وش تسوي؟ كيف تتصرف؟ في الحظه لخيره
لو يقولولك حبيبك صار ملك إنسان ثاني=ومو بكيفه غصب عنه00كيف تتوقع؟ مصيره
وصار حبك سالفه للناس من قاصي وداني=وصار كلٍ يعرف انك ماتبي إنسان غيره
ما توقعت ان به من يمتحني في زماني=لأكن الله لايمتع والديها بالبصير
اجبروها غضب عنها تاخذ افلان الفلاني=وأقحموها بالطمع منهم بنيران(ن) سعيره
بعدها مدري وش اللي صابني واللي دهاني=مستحيل القى شبها في ثرى شبه الجزيره
كنت لأمني بغيت أشوفها افرح وأعاني=مره اشعر بارتياح ومره اشعر بألف حيره
كل ما جتني ورب البيت يختل اتزاني=ما تقول ألا كأني واقفٍ قدام أميره
كنها لأمن حكت تتكلم أشعار وأغاني=طبعها فيه الاريحيه00 سوالفها مثيره
السنين اللي معاها كنها كانت ثواني=والثواني بعدها صارت لي سنين (ن) مريره
كان مسكنها ورى قضبان هالحدب المحاني=لين جاني حكم أعدامي وإطلاق الاسيره
كانت اصدق حلم عشته بعد هاذيك الأماني=وصارت اكبر جرح مؤلم فوق هذا المستديره
كانت0وكانت0 وكانت0لين صارت من طعاني=يعني كانت كل شي وصارت الحين العسيره
يامحمد فضها سيره ترى الحزن اكتساني=ابتداء جرحي يطيب وجيت تتعمد تثيره
لاتضيق خاطري خل الذي فيني كفاني=من فراق وغدر وأنا أخوك وعلوم(ن) كثيره
قفل الموضوع هذا شوف لي موضوع ثاني=بس في هذا دخيلك مآبي اسمع أي سيره