بسم الله الرحمن الرحيم
هو الشاعر / سعد بن فايز بن جري آل محيا الشهري
من بادية بني شهر , شاعر قصائد نظم ومحاورة .
تتميز قصائده بالجزالة وقوة المعنى . وقد أهدا منتديات
بني شهر عدة قصائد وسيتم نقلها كلها إن شاء الله .
{{{ القصيدة الأولى }}}
يارب مقفـي الأزمنـة والمقابيـل
وكل ٍ خلقـت ولـوح الأرزق تـوّه
يا خالق جيـل ويـا مفنـي جيـل
يا محتمـي بيتـه ومهلـك عـدوّه
يا منزل بالحـق لـلأرض جبريـل
وحي على الصادق الأمين بهـدوّه
يالله تجنبنـا هـل القـال والقيـل
مبـدلـة ود الـمـلا بالـشـنـوّه
قطاعـة الساقـة كبـار التهاويـل
اهل يا طيـب فـلان لـولا ولـوّه
بعدٍ عن الجهال عدلٍ عـن الميـل
والصمت حكمة واللغو بـه غبـوّه
من الغباء مجاراة هـزل الأقاويـل
خبـلٍ بمـا يطـري عليـه يتفـوّه
أبعد وأشوم لرفقة أهـل التنافيـل
اللـي لصحبتهـم مـذاق وطـروّه
منحريـن البـل وذباحـة الحيـل
سعد الخطاطير الخمـاص اللفـوّه
أهل تراحيـب وتهالـي وتسهيـل
ولكل ضايـق بـال بسـط وسلـوّه
ومقنديـنٍ غالـي البـن والهيـل
من غالي الأسواق مشـرى نقـوّه
خولاني يشـرى لغالـي المعاميـل
من شان لاجا الضيف يلقـاه تـوّه
بـدلال رسـلانٍ ملـي نواحـيـل
يشـدن لخفـراتٍ حلاهـن يـتـوّه
كواعـبٍ ومخـصـراتٍ مثاقـيـل
في عشقهن كل أبلـج لـه نحـوّه
حلوات ريق راق عـذب سلسبيـل
عذب تسلسـل مـن شفـاه شفـوّه
ترياق باس عماس رأسٍ له صهيل
من شـدة الخرمـة لجـوج يـدوّه
مثل الخضاب إليا إنسكب بالفناجيل
بكفـوف غيـد مترفـات الربـوّه
مع ماعطـن الباسقـات المحاميـل
مـن حالـيٍ مثـل الثريـا قـنـوّه
ولا مباكيـرٍ غضـاضٍ منـاويـل
مدلـلات عنـد راعــي رعــوّه
يسوقـه قـروم سلايـل رجاجيـل
معربـيـن أنسابـهـم والعـنـوّه
والعود الأزرق مثل سحبٍ مظاليـل
طيب يكود الـلاش مبلـغ شـروّه
يشريه راعي الجود للجود تكميـل
حرٍ لكسب المرجلـة شـب ضـوّه
في مجلسٍ لأهل الأدب بـه تعاليـل
أهـل الشكالـة والشيـم والمـروّه
أهل التقـا الأبـرار قوامـة الليـل
السالكيـن دروب هـدي النـبـوّه
مكثريـن السبحـنـه والتهالـيـل
وكلٍ عبى التقـوى لنفسـه عبـوّه
غضوا البصر عن أمهات الخلاخيل
بنـات حـواء الفاتنـات الغـنـوّه
وإستغنوا بما حلل الشـرع تحليـل
وقايـة عـن المـحـرم وســوّه
غاياتهـم ماهـي قريبـة مداهيـل
وأهدافهـم ماهـي دنيـا دنــوّه
تواقـة للحـور فـوزٍ وتحصـيـل
بأوصافهن سمعـوا المنـوه ينـوّه
وتقصوا الأخبار عنهـن بتفصيـل
وعن كل مـا يلـزم لنيـل المنـوّه
وليا الأمر يحتاج صملـة مشاكيـل
شجعان غير الله ما يخشـون قـوّه
لمواجهة ألـد الأعـداء المغاليـل
النفـس والشيطـان وأبـو لغـوّه
متلغوي نفاق وغوايـة وتضليـل
ويفسد بها بيـن الخـوان الأخـوّه
يا كل ذا لـبٍ وشجـاع وحلحيـل
ولا كل بـرقٍ تشفـق لطـش نـوّه
أعـد للأعـداء رهـافٍ مصاقيـل
لو كنت عود تعـود فيـك الفتـوّه
إن كان صار الصبر والعزم لك خيل
وسلاحك إيمـانٍ وهبـت السطـوّه
من لا يكيل إعداه ويزيد في الكيـل
تسموا العدا فوقه ويسقـط سمـوّه
وتمد له الأعداء خيـوط المحابيـل
إن هلـك ولا عـاش حـي مشـوّه
ومن لا أدرك المظهار قبل المداخيل
تضيق به الآفاق لـو بـه ضـروّه
ومن لا عرف نقض الحبال المفاتيل
عليـه يابـو حبـل لفـه ولــوّه
لاصـار مابـه لا نعـاره ولا حيـل
ماجاز لـك بأمـره تسويـه سـوّه
هين الإرادة فاتـر عـزوم وحليـل
ماله جدى لا إنظـام كـود يتـأوه
ومن لا نهل من صافيات المناهيـل
حكمة وعلم ومعرفة ويـش هـوّه
يعيـش تبـعٍ والعـوارف دواليـل
هشاش ماش مشاش مابـه جـروّه
ومن حل بطن السايله شاله السيـل
وان كان مـا خيّـل خيـال بجـوّه
سماه لـو مابـه غيـوم وهماليـل
(سيل أسفل الوادي يجي من علوّه)
من عاش بالغفلة يجـر المواويـل
ولا شاف من دنياه ميـل وقسـوّه
لا بـد مـن يـومٍ بليـا مراسيـل
اللآهي يفاجـا وهـو فـي لهـوّه
مازرعٍ إلا لـه حصـاد ومحاصيـل
وكلٍ ومحصوله على السوق جـوّه
وهناك تثميـن السلـع والمكاييـل
ووزن بقسطاس وعـدل ورضـوّه
ديـــوان شاعر بني شهـر القدير :- (( سعـد بن جري الشهري )) 
العرض العادي
