آمريني والله اني لاي حاجه مستعد=وافتحي صفحه جديده واتركي مافات مات
مستعد اعيش كل العمر عندك مضطهد=لنك اللي لو رحلتي وش بقالي في الحيات
اعشقك من يوم كنتي طفله بسن المهد=لين صرتي سالفه بلسان كل الفاتنات
والشعر لامن تحرك فوق متنك وانفرد=ايتحدى كل ابناء الذين والوات
وان ركد حتى المحيط الاطلسي موجه ركد=وتنقلب ضوضى الشوارع والمدينه لسكات
وتصبح الدنياء هدوا وكن مافيها احد=لين يتحرك ويتحرك معه حتى النبات
ودي افصح لك بسر مسبب لعيني سهد=مالقيته غير عندك دون كل الاخريات
(ابن ماجد) ذلك الملاح ثابر واجتهد=لين جاب البوصله تستخدم لكل الفأت
تخبر اللي داخل الصحراء برجوع البلد=وتنبى اللي ظل فيه الدرب وتشتت شتات
وبعد ماجيتي يالله العجايب والمرد=صار يتوجه ذراع البوصله لحلى البنات
جيتي افسدتي عليه الاختراع المعتمد=يتجه يمك ويستغني عن الاربع جهات
ادري ان اللي بيسمع وصفك يقول اش بعد=لكن اقسم لك بربي مقدر اوفي هالصفات
وادري ان اللي بيسمع عنك بيعيش بكبد=وكل من شافك تبدل ضحكته للأنتهات
في زمان الجاهليه اي انثى تنوئد=ولو لفيتي ماحتسبتي من جموع المؤدات
ليه لني من عرفتك وانتي بسن المهد=اقتنعت انك كبيره من كبار المعضلات
(وابن ماجد) عاضك الله خير يا وجه السعد=اختراعك راح فيها من لفت احلى البنات