 رجيت الغـــــــــــــــــــرام ( أستهلالتي الثانيه | |
رجيت الغـــرام اللي سكـن في عيــوني يوم=يجـي ساعةٍ لأهداب عينك يسامرها
يحسســــك فــي قلــبٍ بــراه العتـــب واللوم = إذا كانت عيـــونك تنـــاست يذكّرها
يذكّـــرك فــي خـــلٍّ عيـــونـه تعــــاف النوم =وكـم ليلـــةٍ على الخد تنثر عبايرها
إذا مــرّ بي نومــــي دعيتــه يقــــل معزوم =عجـــول ولا عينــي بنظــره يعبّرها
طلبتـــه بحــــق اللـــه مــن خاطـــر مهموم =يعرّج على عيـونٍ سهــارى يدثّرها
يخاشــرني الليلـــه ويقلـــط علــى المقسوم = يجيني على أعــذار العجالة يبررها
عرفت أن حظـــي طـــاح لا مــن نويت أقوم =وساق العناء بالـدرب يكثــر تعثّرها
على نعش ضوء الفجرصبري غدى مرحوم =وبقــايا ثـــوانِ الليـل تُحفَر مقابرها
تعلمــــت منك الصبـــــر وأنا معــــك ملزوم = أسـاير عيـــونٍ بللــت لك محاجرها
الا يا رحيـــق الـــزهــر يانفحـــــة اليشموم = يأعـــز خلـــق اللـه بعيني وناظرها
أنا مـــا خبـرت أن ظـالـم يشتــكي المظلوم =ولا ميت يرثـــــي جــروح يصبرها
ياليت الغــرام اللــي سكن فــي عيوني يومي=يجي لحظةٍ لأهـداب عينك يسامرها
ودي ومودتي
التعديل الأخير تم بواسطة مشرف الشهري ; 03-19-2010 الساعة 11:15 AM.
| 
العرض العادي
