اخيراً جاتني متنكره بالاسم والعنوان=تخاف من ا نتقامي بعد كل اللي حصل فيه
ولاتدري باني لو طلع ظني صحيح وبان=لصيح بصوتي العالي واقول اهلاً بـ هالجيه
وانا ماعمر ظني خاب في مخلوق مهما كان=واراهن بانها دلعوعتي ميه في الميه
لها اسلوب لايمكن يجيده غيرها انسان=ولها كلمات رنانه وتتفرد بها هيه
لها في داخلي ذكرى وحب ومنزله واوطان=واميزها لو اتحط اسمها بارقام سريه
لفت ماتدري اني منها متضايق وزعلان=لها كم عام تقحمني مطبات اصطناعيه
عموماً مرحباً فيها كثر ماذقت من حرمان=وكثر عشق الجنوبي في طبايعه الجنوبيه