دام تدرين اننا نغليك ليه تغيبي=من عطاكي في غيابك كامل الحريه
لبتعدتي عن عيوني تجرحي وتصيبي=قلبي اللي من عرفتك صار ماهو ليه
كن شاشة وجه غيرك بثها تجريبي=وكن وجهك للجمال الشاشه الحصريه
والله اني وين مامشي صورتك في جيبي=واني اخرجها واطالع فيك كل شويه
هذا هي المشكله عندي وهذا عيبي=لاعشقت انسان ماستغني عنه موليه
حول بيتك طول ليلي والقدم يسريبي=ماتطمن لين اشوفك رحتي الكليه
ذابح(ن) هذا القدم امشيبه ويمشيبي=المهم اني اصير لبيتكم دوريه
اثرني متعلق(ن) في ناس ماتدريبي=والله اني ماتوقعتك كذا شريه
جاوبت والله ماغيرك مطلع شيبي=اتصلبك قافل الجوال من فجريه
عمنا في الله نايم ماتعرف الليبي=فالح(ن) في الفلسفه والضحك والسخريه
ترمي اغلاطك علي وتقول ليه اتغيبي=نفترق احسن ولا هالحاله المزريه
أنت يا انك غبي يا مسوي(ن) متغيبي=يانت ماتفهم سوى بالهجه العبرية
قلت تدرين بغيابك وشهوا امسويبي=يمكن يسبب لي اكبر كارثه صحيه
البلا ماهو في اغيابك ولا تعذيبي=البلا لامات شهري من يدي شهريه