جابك الله بعد صبر طـال فيـه الانتظـار=جت بك الخطوه ولاكن بعد ما فـات الاوان
غيرك اليا غاب ياخذ يوم او ساعـة نهـار=وانت لامن غبت مالك لا مكان ولا زمـان
هذا هو حظي من اول مابتديت بها المسـار=ما لقيت انسان وافي له قرار ولـه كيـان
ازرع الورده الين تصير ضـد الانكسـار=واعتني فيها لاني كنت احسب انـي بمـان
ثم لامن فاح منها العطـر تركنـي يسـار=واخذها اللي ما تربت من تحت يده اليمـان
جيت في وقتك عشان اسمعك هذا القـرار=اتخذته غصب عني وغصب عنك انت كمان
اتخذته وانت غايب لـن مـا منـه فـرار=نفترق والكل منـا ممتلـي شـوق وحنـان
افضل من انا نعيش وكـل(ن) ابداخلـه نـار=وافظل امن ان البشر تحكي هذاك لذاك خان
تدري وش معنى الكلام الي اقوله بختصار=يعني ارحل عن عيوني يعني غيب ولا تبان
يعني ان غيابك احسن دام لوجـودك دمـار=يعني دور لك مكان ويعني ماعد لك مكـان
يعني ما عدنا حبايب مهما كـان الاعتـذار=يعني ان اللي عزيز النفس مايرظى يهـان
يعني جيت بوقت متأخر بعد طول انتظـار=ويعني ان جيتك هذي بعد مـا فـات الاوان